உலக ஓமியோபதி நாள் 10-04-2023 மருத்துவர் ப.பாலசுப்ரமணியன்

 

உலக ஓமியோபதி நாள் 

உடல்நலத்திற்கும் மனநலத்திற்கும் கோளாறு உண்டாக்கி நோயை தோற்றுவிப்பவை எவை என்பதையும் அவற்றை துயரரிடம்  இருந்து எவ்வாறு அகற்றுவது என்பதையும் அறிந்தவரே  உண்மையில் மருத்துவர் ஆவார். --- மணிமொழி 4 ஆர்கனான்

மருத்துவமாமேதை சாமுவேல் ஆனிமானின் 269ஆம் பிறந்தநாளை கொண்டாடிக்கொண்டு இருக்கின்றோம்

 

ஓமியோபதி மருத்துவத்தினை பற்றிய விழிப்புணர்வு வகுப்புக்கான தேவை என்ன?

இன்று உலகளவில் மருத்துவம் மிகப்பெரிய பணம் கொழிக்கும் தொழில்,உலக முதல் வரிசை பணக்காரர்கள் எல்லாரும் ஏதாவது ஒரு வகையில்  மருந்துத் தொழிலில் உள்ளவர்கள் தான்.

இதற்கு அடிப்படைக் காரணம் இங்கே நாம் எல்லோரும் நோயாளிகள் தான்.

மக்களில் 100க்கு 10 பேருக்கு புற்றுநோய்க்கான வாய்ப்பு இருக்கிறது.

100க்கு 10 பேருக்கு நீரிழிவு நோய் என்னும் சர்க்கரை நோய் இருக்கு.

30% இரத்த அழுத்தம்

60% கொழுப்பு சார்ந்தது மற்றும் இதய நோய் வாய்ப்பு

25% குழந்தையின்மை பிரச்சனை இருக்கு

இது இல்லாமல் சிக்குங்குனியா, டெங்கு, கொரனா மற்றும் இது போன்ற இன்னும் பெயரிடப்படாத பெருங்கொள்ளை நோய்கள், இந்த நோய்கள் வரமால் தடுக்கிறோம் என்ற பேரில் என்கிற பேரில் தடுப்பூசி போட்டு புதிய புதிய நோய்களை உருவாக்குவதும் நடக்கிறது.  ஒட்டுமொத்தத்தில் நோய்கள் மனித குலத்தையே புரட்டிப்போட்டுவிடுகிறது.

 

  நோய் நம்மீது ஒரு போரையே தொடுத்திருக்கிறதா அல்லது மருத்துவக்கொள்ளை நிறுவனங்கள் நம்மீது வலிந்து நோயை திணிக்கிறதா என்று தெரியாமல் திணறிக்கொண்டு இருக்கும் இந்த தருணத்தில் நாம் மாட்டிக்கொண்டிருக்கின்றோம்.

கொரானா என்ற பெருந்தொற்று காலத்தில் நவீன மருத்துவம் சரியான தீர்வை தரவில்லை

மாஸ்க்க போடு, மணிய அடி, கைய கழுவு,  கூட்டம் போடாத, தடுப்பூசி போடு, பூஸ்டர் போடு எனும் அவர்கள் திரும்ப திரும்ப கூவியதை இப்போது அவர்களே இதனால் எல்லாம் கொரானாவை விரட்ட இயலவில்லை என ஒப்புக்கொள்கிறார்கள்.

தடுப்பூசி போடாமல் இருந்தவர்களை கடுமையாக குற்றம் சாட்டி கொண்டிருந்தார்கள். ஆனால் இன்றோ தடுப்பூசி கடுமையான பின்விளைவுகளை தரும் எச்சரிக்கையாக இருங்கள் என்று அவர்களே சொல்கிறார்கள்.

இப்போது புரோட்டா சாப்பிட்டா ஹார்ட் அட்டாக்

சவர்மா சாப்பிட்ட ஹார்ட் அட்டாக்

கபடி விளையாண்டா ஹார்ட் அட்டாக்

பள்ளிக்கூடம் போற குழந்தைகளுக்கு கூட ஹார்ட் அட்டாக்

என கொரனாவுக்கு பிறகு புதுசு புதுசா நோய்கள்  வலம்  வருகின்றன.

குழந்தையின்மை ..ஊருக்கு 4,5 செயற்கை கருத்தரிப்பு மையங்கள்

இதன் மூலம் நாம் தெரிந்துகொள்வது என்னவெனில்

நமக்கு நலம் நோய் இதற்கான பொருளே தெரியவில்லை.

இந்த இக்கட்டான சூழ்நிலையில்   மருத்துவம் குறித்த விழிப்புணர்வு அனைவருக்கும் அவசியம் தேவை.

விலங்குகள் கூட தனக்கு எதாவது நோய் வந்தால் தனது மரபில் இருக்கும் மருத்துவ அறிவை பயன்படுத்தி தம்மை தாமே நலப்படுத்திக்கொள்கின்றன.

காட்டில் திரிந்த மனிதன் பண்பட்டு நாகரீகமடைந்து வேளாண்மை செய்யத்தொடங்கிய காலத்தில் எல்லாம் மருத்துவ அறிவை மேம்படுத்தி இருந்தான். அதை தன் தலைமுறைக்கும் கடத்தியே வந்திருக்கின்றான்.

ஆனால் நவீனம்  வந்தவுடன் எல்லாம் மாறத்தொடங்கி விட்டது.

பசுமைப்புரட்சி என்ற பெயரில் வேளாண்மை செத்துவிட்டது.

வெண்மைப்புரட்சி என்ற பெயரில் கோழிகளும்  கால்நடைகளும் அழிக்கப்பட்டன.

புரட்சி என்ற பெயரிலும் அறிவியல் என்ற பெயரிலும் நம்முடைய மரபு சார்ந்த அறிவை கொன்று அவற்றை எல்லாம் மூட நம்பிக்கை என்று முத்திரை குத்திவிட்டார்கள்.

இனி இழந்து விட்ட நமது  மரபு அறிவை மீட்க வேண்டியே நாம் மருத்துவம் சார்ந்த  விழிப்புணர்வு வகுப்புகளை நாம் நடத்திக்கொண்டிருக்கின்றோம்.

மருத்துவத்தில் நாம் விழிப்புணர்வு பெற்றுவிட்டாலே நாம் தன்னிறைவு அடைந்துவிடுவோம்.

நம்முடைய வருமானத்தில் சரிபாதி மருத்துவத்திற்கும் மீதிபாதி கல்விக்கும் தான் செலவாகிறது.

சரி அதற்கு எதற்காக ஓமியோபதி பற்றி நான் தெரிந்துகொள்ள வேண்டும்? சித்தம், ஆயுள்வேதம், யுனானி, அக்குபஞ்சர் என இவை எல்லாம் இருக்க ஓமியோபதி ஏன்?

 

ஏனெனில் உண்மையிலே எளிதில் புரிந்துகொள்ளக்கூடிய  மரபு அறிவை எளிமையாக்கி குறைந்த செலவில் அனைவரும் பயன்படும் வகையில்

தரக்கூடிய மருத்துவம் ஓமியோபதி மட்டுமே!

ஓமியோபதி ஓர் புரட்சிகர மருத்துவம்

மற்ற மருத்துவங்களும் அதற்கென தத்துவங்களை கொண்டிருந்தாலும், பயன்பாட்டில் எளிமையாக, விரைந்து நலமாக்கவல்ல, குறைந்த செலவு ஆகக்கூடிய மருத்துவம் ஓமியோபதி மட்டுமே.

இப்படிப்பட்ட ஓமியோபதி மருத்துவமுறையை பற்றிய புரிதல் சாதாரண பாமர மக்களுக்கு மட்டுமின்றி படித்தவர்களுக்கு கூட இல்லை. ஏனோ அரசாங்கமும் ஓமியோபதியின் மேல் பாராமுகமாக இருக்கின்றது.

ஓமியோபதியை நாட்டு மருந்து என்ற அளவில் தான் மெத்தப்படித்த மேதாவிகளே கருதுகிறார்கள்.

இது நாட்டு மருந்தோ, சித்த மருத்துவமோ,அல்லது ஆயுர்வேதமோ கிடையாது. இது முற்றிலும் வேறுபட்டது.

இது தோன்றிய இடம் செர்மனி. கி.பி 1755இல் பிறந்த மருத்துவமாமேதை சாமுவேல் ஆனிமான் அவர்களால் இயற்கைக்குள் புதைந்திருந்த புதையலை மீட்டுருவாக்கம் செய்து கி.பி 1796இல் ஓமியோபதி மருத்துவமாக்கி தந்தார்.

----

சிறந்த மருத்துவம் எப்படி இருக்கவேண்டும்?

 நோய்நாடி நோய்முதல்நாடி அதுதணிக்கும்

வாய்நாடி வாய்ப்பச் செயல்

என திருவள்ளுவரும்

திருமூலர் திருமந்திரம் :

மறுப்ப துடல்நோய் மருந்தென லாகும்

மறுப்ப துளநோய் மருந்தெனச் சாலும்

மறுப்ப தினிநோய் வாரா திருக்க

மறுப்பது சாவை மருந்தென லாமே.

ஆனிமான் சொல்கிறார்

ஏற்கெனவே நலமாக இருந்து தற்போது தற்காலிகமாக இழந்துவிட்ட ஆரோக்கியத்தை மீட்டுத்தருவதே மருத்துவம்

இங்கே மருத்துவமோ மருத்துவரோ எமதூதராக இருக்கிறார்

மரணபயத்தை காட்டிவிட்டாயே பரமா!! என்பது தான் இன்றைய மருத்துவ நிலை

 

தற்போதைய மருத்துவம் நோயறிதலுக்கே மருத்துவப்பரிசோதனைக்கே நிறைய பணம் செலவிட வைக்கிறது.

இரத்தப் பரிசோதனை, சிறுநீர், மலம் பரிசோதனை. சி.டி எம்.ஆர்.ஐ. ஸ்கேன். ஈ.சி. ஆஞ்சியோ, பயாப்சி

 

நோயறிந்த பிறகு குறிப்பிட்ட உறுப்பில் தான் நோய் இருக்கிறது.. அதனால் அந்த உறுப்பை நலமாக்கவேண்டும். அல்லது அந்த உறுப்பை மாற்றவேண்டும், அதுவும் முடியாதபட்சத்தில் அந்த உறுப்பை நீக்கவேண்டும். என ஒவ்வொரு செயல்முறையும் செலவு பிடிக்கக்கூடியதாக இருக்கிறது.

நோய்க்கான காரணத்தை கண்டறிந்து அதை நீக்க தற்போதைய மருத்துவம் முயலவில்லை

அதற்கு மாறாக உறுப்பை வெட்டிவீசுவது எளிதாக இருக்கிறது.

சரி மருத்துவமுறை இப்படி இருக்கே இதற்கு அடிப்படையான காரணம் தான் என்ன?

நமது அறியாமை தான்

எவ்வளவு செலவானாலும் பரவாயில்லை உயிர்பிழைச்சா போதும். என மருத்துவரிடம் நமது பொறுப்பை ஒப்படைப்பது தான்.

ஆரோக்கியத்தை பேணுவதில் நமது பொறுப்பும் கடமையும் என்னவாயிற்று?

மருத்துவம் பற்றி நமக்கு எதுவும் தெரியத் தேவையில்லையா?

அவசியம் தெரிந்திருக்கனும்.. நம் முன்னோர்களுக்கு மருத்துவ அறிவு இருந்ததுக்கான சான்றே பாட்டி வைத்தியம்

இந்த மூடத்தனத்தை முதலில் மாற்றனும்

அதற்காக தான் இந்த விழிப்புணர்வு கல்வி

உடலும் மனமும் உயிரும் உள்ள இந்த அற்புதப்பிறப்பை நமது அறியாமையால் நோய்க்கு உள்ளாக்குகிறோம்.

பிறப்பிலே நமது மரபணுவில் மருத்துவ அறிவு இருந்திருக்கிறது. அதை மீட்டெடுத்து பட்டை தீட்டி அடுத்த தலைமுறைக்கும் கடத்தவேண்டிய பொறுப்பும் கடமையும் நமக்கு இருக்கு.

அதனால் மருத்துவம் பற்றிய விழிப்புணர்வு நமக்கு அவசியம் இருக்கனும்.

அதற்கு மருத்துவம் என்றால் என்ன?, அதன் தத்துவம், நோய் என்றால் என்ன?, நலம் என்றால் என்ன?, மருந்து என்றால் என்ன? எதெல்லாம் மருந்து? என்பது பற்றியெல்லாம் நாம் ஒவ்வொருத்தரும் அவசியம் அறிந்துகொள்ளவேண்டும்.

அதற்காக தான் இந்த விழிப்புணர்வுக்கல்வி

அனைத்து மக்களுக்கும் மருத்துவ அறிவு வளர்ந்தால் தான் நோய் பற்றிய பயம் நீங்கும்.

இன்னொரு முக்கியமான செய்தி என்னவெனில்

உலகம் தற்சார்பு வாழ்க்கைக்கு இயற்கை சார்ந்த வாழ்க்கை முறைக்கு திரும்ப வேண்டிய அவசியம் இருக்கிறது.

தற்சார்பு வாழ்க்கைக்கு அவசிய தேவை மருத்துவம் கல்வி இவை இரண்டும்  குறைந்த செலவில் கிடைத்தாலே நாம் தற்சார்பு வாழ்க்கையை நிறைவாக மகிழ்ச்சியாக வாழ முடியும்.

நம்முடைய உழைப்பின் பெரும்பகுதி மருத்துவத்துக்கும் கல்விக்குமே செலவாகும் இந்த சூழலில் நாம் எப்படி தற்சார்பான இயற்கையோடியைந்த மகிழ்ச்சியான வாழ்க்கையை வாழ முடியும்.

சரி அதற்கு ஓமியோபதி எவ்வாறு உதவும்?

ஓமியோபதி எளிமையான மருத்துவம். மற்ற மருத்துவமுறைகளுடன் ஒப்பிடும்போது மிகவும் செலவு குறைந்த மருத்துவம்.

பக்கவிளைவுகள் இல்லாதது, மனிதனை முழுதுமாக நலப்படுத்துகிறது, எளிதில் புரிந்துகொள்ளக்கூடிய தத்துவத்தின் அடிப்படையில் நலமாக்கலானது இருக்கிறது.

நோயாளியின் எதிர்ப்பாற்றலை அதிகரிக்கிறது,

நோய்க்கான காரணத்தை அறிந்து அதற்கொத்த மருந்தை தந்து நோயை நலமாக்குகிறது.

அது என்ன காரணமாக இருந்தாலும். உடல்ரீதியான, மனரீதியான காரணங்கள் எதுவாகினும்

மேலும் மனிதனை சாதாரண நிலையில் இருந்து உன்னத நிலைக்கு மாற்றக்கூடியது.

மருந்து கொடுத்து குணப்படுத்தும் மருத்துவமுறைகளிலே மிகவும் உயர்ந்த நிலையில் இருக்கும் மருத்துவம் ஓமியோபதி

ஆனிமான் சொல்வது போல இரு புள்ளிகளை எப்படி ஒரே நேர்கோடு இணைக்குமோ அதுபோல ஓமியோபதி மட்டுமே தத்துவார்த்தரீதியில் மிகச்சிறந்த மருத்துவம்.

ஓமியோபதி மண்ணுக்கும் செடி,கொடிகளுக்கும், ஆடு,மாடுகளுக்கும், மனிதனுக்கும் இந்த பூமியில் வாழும் அனைத்து சீவராசிகளுக்குமான மருத்துவம்

மண்ணுக்கும் மருந்தானது ஓமியோபதி

உதாரணத்துக்கு

மனிதர்களுக்கு வரும் அனைத்து நோய்களுக்கும் சாதாரண சளி காய்ச்சல் முதற்கொண்டு சர்க்கரை, பிரசர், கொலஸ்ட்ரால்,கிட்னி பெயிலியர்  மற்றும் கொரானா போன்ற பெருந்தொற்று நோய்கள் மற்றும்  மருந்தே இல்லை என சொல்லப்படக்கூடிய எயிட்ஸ், புற்றுநோய், ஆட்டிசம், மஸ்குலர் டிஸ்ரோபி ஏன் இன்னும் புதிதாக வரக்கூடிய பெயர் வைக்கப்படாத நோய்களுக்கு கூட ஓமியோபதியில் மருந்துண்டு.

திக்குவாய் துயரர் ஒன்று

துயரர் பள்ளி மாணவர் அவருக்கு சின்ன வயசுல இருந்து திக்குவாய், திக்கி திக்கிதான் பேசுவார், யாராச்சும் கேள்வி கேட்டா பதில் சொல்ல முடியாது,பயங்கரமா திக்கும்,புது ஆட்களை கண்டாலே பயப்படுவார் 

ஆனால்  பேச ஆரம்பிக்கும்போது தான்  திக்கும், நாலு வார்த்தை பேசிட்டான்னா அப்புறம் திக்காது.

 திக்குவாயால் என்ன என்ன பாதிப்பு என விசாரித்ததில்…

“சார்! நான் +2 படிக்கிறேன், ஃப்ரெண்ட்ஸ்லாம் படிக்கறப்ப நான்  சத்தமா திக்கி திக்கி படிக்கறது டிஸ்டர்பா இருக்கு  தூரமாப்போய் படிடா…  அப்படின்னு சொல்றப்ப மனசு ரொம்ப கஷ்டமாயிடுது, இதுக்காகவே நான் எல்லோரிடமிருந்தும் ஒதுங்கியே தனியா படிப்பேன்.

பேசும்போது திக்குவதாலயே யாரிடமும் பேசவே நான் விரும்புவதில்லை,அப்படி பேசும்போது அவர்கள்  ஏதும் சொல்லிட்டா மனசு  தாங்காது.

எப்ப எப்ப திக்குது?

புதிய நபர்களிடம் பேசும் போது,அவர்களின் கேள்விகளுக்கு பதில் சொல்லும்போது,

ஆசிரியர்களிடம் பதில் சொல்லும்போது,

பரீட்சைக்கு சத்தம் போட்டு படிக்கும்போது

 பாட்டு பாடறப்ப திக்கறது இருக்காது.

(பாட்டு    பாடும்போது  துயரர்கள் பெரும்பாலானோரிடம்  திக்குவது இருக்காது,காரணம் அது ஞாபகத்தில் இருந்து வருவது,பேசுவது உடனடியாக சிந்தித்து பேசுவதால், தவறாக பேசிவிடுவோம் என்ற பயம்,பதட்டத்தால் திக்குகிறது).

Observation

பேசும்போது ஒவ்வொரு முறையும் வாக்கியத்தை முடிக்கும் முன்னே வார்த்தைகளை முழுங்கிவிடுகிறார்.

Rx

Similimum homeo medicine prescribed

Follow up

6 மாதங்களில் 50% better

2 வருடங்களுக்கு பிறகு

  80%  better  மீண்டும்  மருந்து கொடுக்கப்பட்டது.   தொடர்ச்சியாக ஒரு வருடம்  சிகிச்சையில் இருக்க அறிவுறுத்தப்பட்டது.

ஒரு வருட சிகிச்சைக்குப் பின் நன்றாக தேறிவிட்டார். ஆனாலும் எப்போதாவது திக்குகிறது.அதுவும் முறையான மூச்சுப்பயிற்சியும் பேச்சுப்பயிற்சியும் செய்தால் அதுவும் இருக்காது. தற்போது  +2 வில்  முதல் வகுப்பில் தேர்ச்சி பெற்று  B.E. படித்துக்கொண்டுள்ளார்.

துயரர் சரிதை 2

மூக்கில் சதை வளர்ந்த துயரருக்கு குறிகளுக்கு ஏற்ப ஓமியோபதி மருந்து கொடுக்கப்பட்டது ஒரு மாதத்தில் சதை குறைந்து படிப்படியாக நலமானார், அறுவை சிகிச்சை தவிர்க்கப்பட்டது ஓமியோபதியின் மூலம் 

கால்நடைகளுக்கும்  ஓமியோபதி

மாட்டுக்கு கர்ப்பப்பை வெளித்தள்ளுதல்

மாடு கர்ப்பப்பை வெளித்தள்ளியிருந்தது கர்ப்பகாலத்தில் அதற்கு போடாபைலம் கொடுக்கப்பட்டது.

 கோமாரிக்கு ஓமியோபதி 

மாடுகளுக்கு வந்த கோமாரி நோய்க்கு இரஸ்டாக்ஸ் மற்றும் பாதரசம் குறிகளை அனுசரித்து நிறைய மாடுகளை இறப்பில் இருந்து காப்பாற்றியிருக்கிறது ஓமியோபதி………

அக்ரோ ஓமியோபதி

 

தக்காளி-துளசி 

தக்காளிக்கு என்ன நோய் வந்தாலும் பூச்சி, சத்து குறைபாடு என எது வந்தாலும் துளசி ( ஓசிமம் கானம்) தான் மருந்து

பிடுங்கி நடும் பயிர்கள் குறிப்பாக நெல்நாற்றுக்கு

விதை நேர்த்திக்கு சிலிக்கா

நாற்று பிடுங்கி நடும்போது ஆர்னிகா பலன் தரவில்லை எனில் காலண்டுலா

அப்போதும் பலன் இல்லை எனில் கார்போ வெஜ்

இது நாலும் போதும் நெற்பயிர் பாதுகாப்புக்கு தேவைப்பட்டால் ரெஸ்குயூ ரெமெடி

எறும்புத்தொல்லை இருந்தால்

கற்பூரம் camphora , காலண்டுலா (சாமந்திப்பூ- calendula), புதினா 

அசுவினிப்பூச்சி

புதினா,துளசி, வெங்காயம், அசுவினியை உண்ணும் பூச்சி கோக்கினெல்லா

வண்டு

துளசி, அரேனியா(சிலந்தி), காலண்டுலா(சாமந்திப்பூ), புதினா,தூஜா,சிலிகா,

தென்னைமரவண்டு

டனாசெட்டம், காலி பைக்

கம்பளிப்பூச்சி

விளக்கெண்ணைய், ஆமணக்கு

கரப்பாண் பூச்சி

வெங்காயம் கற்பூரம் அரேனியா

கொசுவிரட்டி

தும்பை, துளசி, கோக்கினெல்லா

நத்தை

ஹெலிக்ஸ், பொட்டாசியம் பெர்மாங்கனேட்

 

சத்து பற்றாக்குறை

போரான் : போராக்ஸ்

சுண்ணாம்பு சத்து_ சிலிகா

நைட்ரஜன் சத்து மாலிப்டினம்

பாஸ்பரஸ்- அலுமினா, கல்கேரியா கார்ப், இரும்பு, உப்பு.

பொட்டாசியம்- இரும்பு உப்பு கந்தகம்

சிலிகா – கார்போ வெஜ்

சத்தே இல்லைனா

வெங்காயம்

துணைப்பயிர்/ நிரந்த வேளாண்மை

சோளம்,பாசிப்பயிறு, பூசணி

வாழை வட்டம்

மஞ்சள் பூச்செடிகள்

நன்மை செய்யும் பூச்சிகளை வரவைத்தல்.

உயிர்ம சமநிலை பேணுதல். பயிர் சுழற்சி

ஓமியோபதி அறிந்திருந்தால் மட்டுமே இயற்கை விவசாயத்தை செவ்வனே செய்யமுடியும்.

மண்ணுக்கு கொடுத்தது

சிலிகாவை கொடுத்து பொட்டலாக கிடந்த மண்ணை விளைச்சல் நிலமாக மாற்றினார் அக்ரோ ஓமியோபதியின் தந்தை  வைகுந்தநாத் கவிராஜ்.

இறுதியாக

மனிதனாக பிறந்த ஒவ்வொருவரும் மருத்துவ விழிப்புணர்வு அடைந்திருப்பது என்பது அத்தியாவசியமானது. அதற்காக தான் மருத்துவமாமேதை சாமுவேல் ஆனிமான் இந்த அற்புத மருத்துவத்தை சாமான்ய மக்களுக்காக சாமான்ய மக்களின் மொழியில் அனைவருக்கும் புரியும் வகையில் படைத்தார்.

வாழ்க மருத்துவ மாமேதை ஆனிமான் புகழ்!

வாழ்க விழிப்புணர்வுடன்!!

குறிப்புக்கு பயன்பட்ட நூல்

ஓமியோபதி தத்துவம் ஆர்கனான் வழியில் விளக்கம் 

ஆசிரியர் பழ.வெள்ளைசாமி

மேஜர் தி.சா.இராஜூ பிறந்தநாள் & நினைவுநாள்

 தமிழ்நாட்டின் ஓமியோபதி தூண்களில் ஒருவர்  ஆசான் மேஜர் தி.சா.இராஜூ 

மேஜர் தி.சா.இராஜூ

பிறந்தநாள் 

15-08-1926

நினைவுநாள்

25-02-2004

தந்தை பெயர்: சாம்பசிவம் ஐயர்

தாயார் பெயர்: இலட்சுமி அம்மாள்

மனைவி பெயர்:திருமதி ருக்குமணி அம்மாள்

மகள் : கீதா

மகன்கள்: சரத்சந்திரன்,ரகுராமன்

சொந்த ஊர்:

தில்லைஸ்தானம் (திருநெய்த்தானம்)

# major t s raju # homoeopathy # tamil # t.s.iyer 

# thiilaisthanam # tamilnadu homoeopathy # sahitya akademi award 

# 1996 Mangiyathor Nilavinile  T.S. Raju Aadh Channani Raat (Punjabi) Novel Gurdial Singh

 

மங்கியதோர் நிலவினிலே

சாகித்ய அகாதமி பரிசு பெற்றது

Author: குர்தயாள் சிங்

Translator: தி.சா. ராஜு

Publisher: நேஷனல் புக் டிரஸ்ட்

1996

Mangiyathor Nilavinile

T.S. Raju

Aadh Channani Raat (Punjabi) Novel

Gurdial Singh

வேளாண் ஓமியோபதி (AGRO HOMOEOPATHY) கட்டுரைகள்

வேளாண் ஓமியோபதி (AGRO HOMOEOPATHY) கட்டுரைகள்

கட்டுரை 1    

• ஹோமியோபதி விவசாயம்

 http://balahomoeopathy.blogspot.com/2016/09/blog-post.html

கட்டுரை 2 

இயற்கை விவசாயத்தில் ஹோமியோபதி புரட்சி

http://balahomoeopathy.blogspot.com/2016/12/blog-post.html

• கட்டுரை 3
• விவசாயிகளின் தோழன் ஹோமியோபதி சிலிக்கா

http://balahomoeopathy.blogspot.com/2017/01/blog-post.html

கட்டுரை 4

• அக்ரோ ஹோமியோபதி பழ மரங்களுக்கான துணைப்பயிர்கள்
• http://balahomoeopathy.blogspot.com/2017/06/blog-post_20.html

    

    கட்டுரை 5

• துணைப்பயிர் வளர்ப்பு

http://balahomoeopathy.blogspot.com/2017/07/blog-post.html

    கட்டுரை 6

• பாரம்பரிய மூன்றடுக்கு பயிர் முறை

http://balahomoeopathy.blogspot.com/2017/07/blog-post_87.html

    கட்டுரை 7

• ‘வாழை வட்டம்’

http://balahomoeopathy.blogspot.com/2017/07/blog-post_77.html

    கட்டுரை 8

• நத்தைகளை ஒழிக்க என்ன வழி?

http://balahomoeopathy.blogspot.com/2017/10/blog-post.html

    கட்டுரை 9

• வெட்டுக்கிளி படையெடுப்பை தடுக்கும் இயற்கை வழி மருத...

http://balahomoeopathy.blogspot.com/2020/05/blog-post_27.html

    கட்டுரை 10

• NPK உரமா? நஞ்சா??
• http://balahomoeopathy.blogspot.com/2020/10/npk.html

    

3. மருத்துவ முன்னோடிகள் ஓமியோபதி மருத்துவம் மேஜர் தி.சா.இராஜூ

 

என்னை அறியாமல் எனக்குள்ளே நீ இருக்க 

உன்னை அறியாமல் உடல் இழந்தேன் பூரணமே!  (பட்டினத்தார்) 

முன்னோடிகள் 

சாமுவேல் கிறிஸ்டியன் ஃப்ரெடரிக் ஹானிமானின் வாழ்க்கை, அவரது மருத்துவச் சாதனைகள் ஆகியவை பற்றி அறிந்து கொள்ளுமுன்பு, அவருக்கு வழித்துணையாக நின்றவர்கள் யாவர் என்று தெரிந்து கொள்வது பயனுடைய தகவல்களாகும். மருத்துவத்துறையில் இத்தகைய முதல் நிலையை எய்துவதற்கு அவருக்குக் கிடைத்த அடித்தளம் எது? 

ஆயுர்வேத, சித்த மருத்துவ முறைகளில் தன்வந்திரி, ஸுஸ்ருதர், சரகர், போகர் ஆகியோர் கொண்டாடப்படுவது போல் மேல்நாட்டுச் சிகிச்சை முறையின் ஆதிப்பிதாவாக, கிரீஸ் நாட்டு ஹிப்போக்ரேடஸ் மதிக்கப்படுகிறார். இவர் உலகம் சுற்றிய கிரேக்க மருத்துவரான டிமாக்ராடஸின் மாணாக்கர். கி.மு. 460 - ல் காஸ் என்ற சிறிய தீவில் பிறந்தவர். ஆன்கிளிபியன் ஆலயத்தைச் சேர்ந்த மருத்துவப் பள்ளியில் கல்வி பயின்றார். பின்னாளில் அங்கேயே ஆசிரியப் பணியையும் மேற்கொண்டார். தரேஸ், தெஸ்ஸாலே, டெலோஸ், ஏதன்ஸ் ஆகிய கிரேக்க நகரங்கள் இவருடன் தொடர்பு கொண்டவை. தொண்ணூறு ஆண்டுகள் வாழ்ந்த பிறகு லாரிஸ்ஸா நகரில் இயற்கை எய்தினார். 

உணவே - நஞ்சு

'ஒருவனது உணவு மற்றவனுக்கு விஷம்' என்று உறுதியாகக் கூறியவர் இந்தப் பெருமகன். நோயாளியின் உடல்நிலை, அவனுடைய அன்றாட வாழ்முறை, தொழில்வகை, குடும்பப்பின்னணி ஆகியவற்றைப் பற்றி எல்லாம் தெளிவுறத் தெரிந்து கொள்வது ஒரு மருத்துவனுக்கு அவசியம் என்று அவர் வலியுறுத்தினார். எண்பத்து ஏழு நூல்கள் எழுதினார். எலும்பு முறிவுகளும், எலும்புப் பிசகுகளும் என்ற அவருடைய சிறந்த மருத்துவநூல், அந்தத் துறையில் ஆதாரக் கிரந்தம். மருத்துவக் கல்லூரிகள் அனைத்திலும் ஏறக்குறைய ஐநூறு ஆண்டுகளுக்கு அவருடைய நூல்களே பாட புத்தகங்களாக இருந்தன. இவைகள் அனைத்தும் 'ஹிப்போக்ரேடஸ் தொகுப்பு' என்று பெயர் பெறும். 

கிரேக்க அறிஞர்களான அரிஸ்டாடில், ப்ளாட்டோ ஆகியோர் இவருடைய பெயரை மரியாதையுடன் குறிப்பிடுகின்றனர். அலக்சாண்ட்ரியா மருத்துவத் துறையைச் சேர்ந்தவர்கள் இவர்களது குறிப்புக்களைத் தொகுத்தனர்  இவருடைய ஆதாரபூர்வமான வரலாற்றை கி.பி. மூன்றாம் நூற்றாண்டில் ஸோரன்ஸஸ் எழுதினார். டபிள்யூ.ஹெச்.எஸ்.ஜோன்ஸ் (1923) டபிள்யூ.என், மான் (1950) ஆகியோர், ஹிப்போக்ரேடஸ் எழுதிய நூல்களை ஆங்கிலத்தில் மொழி பெயர்த்துள்ளார்கள். இந்த மேதையின் அடிப்படைக் கருத்துக்களை ஹானிமான் தமது ஆராய்ச்சிக்குத் துணை கொண்டார்.

 

ஸெல்ஸஸ்

 அடுத்ததாக ஸெல்ஸஸ் ஒளலஸ் கார்னீலயஸ் என்ற மருத்துவரைப் பற்றி அறிந்து கொள்ள வேண்டும். இவர் முதலாம் நூற்றாண்டைச் சேர்ந்தவர். லத்தீன் மொழியில் டெ- மெடிஸினா, ப்ரூக்மியம் ஆகிய நூல்கள் எழுதியிருக்கிறார். இந்த மேதையின் அடிப்படைக் கருத்துக்களையும் ஹானிமான் தமது ஆராய்ச்சிக்குத் துணைகொண்டார்.  இவை மருத்துவ நெறியின் வேதங்கள்.

உணவிலும் தினசரி நடவடிக்கையிலும், சில ஒழுங்கு முறைகளைக் கடைப்பிடிப்பது நோயாளிக்கு நல்லது. மருத்துவனுக்கும் துணைநிற்கும் என்ற கருத்தை முதன்முதலாக வலியுறுத்தியவர் இவர்தான். இருதயம், மூளை, ஆகியவைகள் பாதிக்கப்பட்டால், இந்தக் கட்டுப்பாடுகள் பெரிதும் துணைநிற்கும் என்றும் இவர் போதித்தார். சத்திர சிகிச்சையில் இவர் ஆயுர்வேத நிபுணரான சரகரை ஒத்தவர். உடலில் தோன்றும் கட்டிகளை மெல்லிய நூலை இறுக்கி அகற்றும் லிகேசர் முறை, மொட்டுக்கள் உருவத்தில் எழும்பும் சதைத் திரட்சியை வெட்டிப் பிதுக்கும் லித்தோமிமுறை, ஹெர்னியா சத்திரசிகிச்சை ஆகியவை குறித்துத் தெளிவான வழிமுறைகளை வகுத்தார். கிரேக்க மருத்துவ முறை இவருடைய ஆராய்ச்சிக்குப் பெரிதும் கடமைப்பட்டிருக்கிறது.

 இவருடைய மருத்துவ நூல்கள் அனைத்தையும் மூன்று தொகுதிகளாக டபிள்யூ.ஜி. ஸ்பென்ஸர் மொழிபெயர்த்திருக்கிறார். இவருடைய மருத்துவத் திறமையைப் பெரிதும் பாராட்டி எழுதியிருக்கிறார்.. மருத்துவத்தைத் தவிர, சட்டம், இராணுவ விதிமுறைகள், தத்துவம் ஆகியன குறித்தும் ஸெல்ஸஸ் எழுதினார். இத்தகைய மருத்துவமேதையை இவருடைய சமகாலத்து அறிஞர்கள் அதிகம் பாராட்டவில்லை. 

பாரா ஸெல்ஸஸ் 

பதினாறாம் நூற்றாண்டைச் சேர்ந்த தியோ பாரஸ்டஸ் , பொம்பாஸ்டஸ் வான்ஹோஹன் ஹெய்ம் , சுவிட்ஜர்லாந்து நாட்டவர் . இவர் பேஸல் பல்கலைக் கழகத்தில் கல்வி பயின்றவர் . ஸெல்ஸஸின் வாழ்க்கையும் , மருத்துவ நெறிகளும் இவரைப் பெரிதும் ஈர்த்தன . அவற்றை முறையாக ஆராய்ந்தார். அதன் அருமை பெருமைகளை உலகுக்குக் கூறினார். தம்மையே பாராஸெல்ஸஸ் (ஸெல்ஸலை ஒத்தவர்) என்று அழைத்துக் கொண்டார். வேதி இயலுக்கு மருத்துவத்தில் சிறப்பிடம் தந்தவர் இவர் தான். மருத்துவத் துறையோடு நிற்காமல் தொழிலாளர்களின் பிரச்சனைகளிலும் இவர் கவனம் செலுத்தினார். பூமிக்கடியில், சுரங்கங்களில் அவர்கள் பணிபுரிவதால் ஏற்படும் தனித்தன்மையுடைய நோய்கள் குறித்து அவர் ஆராய்ந்தார். அந்த நோய்களிலிருந்து அவர்களுக்குப் பாதுகாப்பு அளிக்க வேண்டும் என்று அவர் வலியுறுத்தியபோதுதான் அரசியல்வாதிகள் இவரைக் கவனிக்கத் தொடங்கினார்கள். அதன் விளைவாக அவர் பேஸல் நகரத்தையே விட்டு நீங்கும்படியான நிலைமை ஏற்பட்டது.

உடல் - கலவை

மனிதஉடல் பேரண்டத்தின் மிக நுணுக்கமான பகுதி. இது உப்பு, கந்தகம், பாதரசம் ஆகிய பொருள்களினால் ஆன மிசிரம் என்று அறிவித்தார். தொடர்ந்து, ஒவ்வொரு மனித உடலிலும் ஜீவசக்தி என ஒன்று உறைகிறது. அது வயிற்றுப் பகுதியில் உள்ளது. மனிதன் உண்ணும் பொருள்களில் உள்ள நல்லவற்றை நஞ்சிலிருந்து அது பிரித்தெடுக்கிறது என்றும் உறுதி கூறினார். அது மட்டுமன்றி மருத்துவனுக்கு உடற்கூறு மட்டும் தெரிந்திருந்தால் போதாது. அவனுக்குப் பௌதிகம், வேதிஇயல், வானநூல், சமயம் அனைத்திலும் அறிமுகம் தேவை என்றும் வற்புறுத்தினார்.

கோளும், மீனும்

வானத்திலுள்ள கோள்களும், மற்ற இயற்கை ஆற்றலும், மண்ணிலுள்ள எல்லா உயிர்களிலும் தமது ஆளுகையைச் செலுத்துவதைப் போல், மனிதனுடைய உள்ளத்திலும், உடலிலும் மாறுதல்களை உண்டாக்கும். அவனுடைய துயாத்திற்கும், மகிழ்ச்சிக்கும், பேரண்டத்திலுள்ள மீன்களும் கோள்களும் காரணம், என்று துணிந்து கூறினார். மனித உடலுக்குள் ஆத்மா என்ற தத்துவம் உறைகிறது. அதற்கும், எல்லையற்ற பெருஞ் சக்திக்கும், இடையறாத தொடர்பு இருக்கிறது. ஆகவே மருத்துவனுக்கு மெய்ஞான அறிவும் மிகமிக முக்கியம் என்று அழுத்திக் கூறினார்.

இந்தக் கொள்கைகள், அவருடைய சமகால மருத்துவர்களைத் திடுக்கிட வைத்தன. அவர்கள், இவரைப் பழிவாங்கத் திட்டமிட்டனர். முறையாக மருத்துவக் கல்வி பெறாத இவருக்கு மருத்துவத்தைப் பற்றிப் பேச எத்தகைய அதிகாரமும் கிடையாது என்று ஓலமிட்டு இவரை விரட்டினார்கள்.

புதிய உத்தி

என்றாலும், தமது முப்பத்தி ஆறாவது வயதில் இவர் மீண்டும் பேஸல் நகரத்திற்கு வந்தார். தமது கொள்கையை விளம்பரப்படுத்துவதற்கு இவர் புதியதோர் உத்தியைக் கையாண்டார். அந்த நாளில் மருத்துவ ஆதார நூல்களாகக் கருதப்பட்ட காலன் , ஆவிஸென்னா ஆகியோருடைய பெரிய புத்தகங்களைப் பிரசங்க மேடையில் பலர் முன்னிலையில் தீயிட்டுக் கொளுத்துவார். குழுமியுள்ள மக்கள் கைதட்டி ஆர்ப்பரிப்பார்கள். தொடர்ந்து அவர் தமது பேருரையை வெகு சிறப்பாக நிகழ்த்துவார். இத்தகையவர்களுடைய வாழ்முறை, மருத்துவக் கொள்கைகள், மக்களிடையே அவை ஏற்படுத்திய பரபரப்பு அனைத்தையும் ஊன்றிக் கவனித்த பின்புதான் ஹானிமான் தமது கருத்தையும் எடுத்துரைக்கத் துணிவு பெற்றார். என்றாலும், எத்தகைய எதிர்ப்புக்கள்? 

தொடரும்........

ஹோமியோபதி மருத்துவம் நூல் தொடர் 2 மேஜர் தி.சா.இராஜூ

 2. மூன்று வகைத் தோஷங்கள் 

மருத்துவம் புரிபவன் ஓரளவு வானநூலும் அறிந்திருப்பது நலம். ஒவ்வொரு ராசியில் பிறந்தவர்களும் அதற்கென்றே உடல்வாகு, நோய்த்தன்மை ஆகியவற்றை உடன் கொண்டு பிறக்கிறார்கள்

-ஆயுர்வேதம். 

தமிழ் அறம்

 'எல்லாப் பொருளும் இதன்பால் உள'    என்று வள்ளுவரின் நூலைப் பாராட்டுகிறார் மதுரைத் தமிழ்நாகனார். இந்தப் பேரறத்தை ஆழ்ந்து படிக்கும்போது நமக்கும் வியப்பாகத்தான் இருக்கிறது. மனிதகுலம் செம்மையாக வாழ்வதற்கு நோயில்லாத சமுதாயம் தேவை என்று செந்நாப் போதார் கருதினார். அதனால் அவர் மருத்துவத்திற்கு  தனி அதிகாரம் வகுத்தார். அதில் முதல் குறள். 

மிகினும்  குறையினும் நோய்செய்யும் நூலோர்

வளிமுதலா எண்ணிய மூன்று. 

மருத்துவச்சாத்திரத்தின் அடிப்படையை அறிந்திராவிட்டால் இந்தப் பாடலுக்குப் பொருள் காண்பது கடினம். தெய்வப் புலவர் இங்கு ஆயுர்வேத மருத்துவம் குறித்துப் பேசுகிறார் . அந்த விஞ்ஞானம் கூறுகிறது : மனித உடல் மூன்று தத்துவங்களால் ஆனது: இவை சீரான அளவில் இருந்தால் மட்டுமே உடல் சீராக இயங்கும். அந்தத் தத்துவங்களில் ஒன்று குறைந்தாலோ, அல்லது மிகுந்தாலோ உடல் இயக்கம் ஒழுங்காகச் செயல்படாது. 

வேறுபாடு ஏன்? 

கோடிக்கணக்கான மாந்தர்களையுடையது இந்த மண்ணுலகம், எல்லோருக்கும் உடலுறுப்புக்கள் மேற்பார்வைக்கு ஒரே மாதிரி இருக்கின்றன. ஆனால் இரண்டு  மனிதர்களுடைய முகத்தோற்றம், குண இயல்பு ஆகியவை ஒன்றாக இருப்பதில்லை. இரட்டைக் குழந்தைகளைக் கூட நெருங்கிய உறவினர்களால் அடையாளம் கண்டு கொள்ள முடிகிறது. தோற்றமும், குண இயல்பும், நூறு சதவிகிதம் ஒத்திருக்கும் இரண்டு உயிர்களைக் காண்பதே அரிது. இது ஏன்? 

மனித உடல் என்பது பஞ்சபூதங்களின் சேர்க்கை. அவற்றின் இணைப்பினால் உடல் தோன்றுகிறது.  இறுதியில் பூதங்களுடன் கலந்து ஒன்றிவிடுகிறது. ஓர் உயிரின் பிறப்புக்குக் காரணமாக இருக்கும் வேளையில் அமைந்துள்ள இந்தப் பிரகிருதி தத்துவம் மறுகணத்தில் அதே நிலையில் இருப்பதில்லை. மனிதர்களிடையே தோன்றும் உருவ - உள்ள மாறுதலுக்கும் இதுவே காரணம்.

மூன்று வகை தோஷங்கள்

 மூன்று அடிப்படை

 ஆயுர்வேத மருத்துவ வல்லுநர்கள் இவைகளின் பாகுபாட்டை மூன்றாகக் குறுக்கினார்கள். அவைகள், காற்று ( இதில் ஆகாசம் உட்படும் ) வெப்பம், தட்பம் ( இதில் நீரும் நிலமும் அடக்கம் ) ஆகியவை. இந்த மூன்றைத்தான் இந்திய மருத்துவம், வாதம், பித்தம், கபம் என்று பகுத்தது. இந்த மூன்றிற்கும் அதிபதிகளாக வாயு, சூரியன், சந்திரன் ஆகியவர்களை நியமித்தார்கள். ஆக, இந்த மூன்று ஆற்றல்களின் நிலை, அப்போது பிறப்பிக்கப்படும் உயிரின் தன்மையை நிர்ணயிக்கிறது என்பதை உறுதி செய்தார்கள்.

 இவர்களுடைய பொதுவான இயல்புகள் எவ்வாறிருக்கும்? வாயுவின் தன்மையை மிகுதியாகப் பெற்றவர் எப்போதுதும் விரைவாகவே நடப்பார். அவரால் சோம்பலாகவே இருக்க முடியாது.

 (காந்தியடிகளின் நடைவேகம் வரலாற்றுப் பிரசித்தி பெற்றது. நேரு இரண்டிரண்டு படிகளாகவே ஏறுவார், இறங்குவார். )

வெப்பம் - இதைப் பித்தம், என்று நூலோர் குறிப்பிட்டார்கள். பித்தம் மிகுதியாக உடையவனின் தலையில் முடி முளைகள் கருகிவிடும், அல்லது வெளுத்துவிடும். (வழுக்கைக்கு மருந்து உண்டா?)  ஆனால் தட்பம் மிகுந்த  உடலில் நிறைய ரோமம் முளைக்கும். எந்தக் குழ்நிலையிலும் நிலத்தைப் போல் அமைதியாக இருப்பவன் அவன். அந்த உடலில் நீரின் தன்மை அதிகமாக இருக்கும். . இத்தகையவர்களைச் சந்திரனின் தன்மை உடையவர்கள்  என்றனர் இந்திய மருத்துவர்கள்.

   ஜெர்மனி 

யுனானி, அலோபதி மருத்துவ முறைகள் இந்த கொள்கையை எந்த அளவுக்கு எற்றுக் கொள்கின்றன என்பது தெரியாது. ஆனால் சித்த வைத்தியம் இந்த அடிப்படைக்கு உடன்பாடு தெரிவிக்கிறது. இந்தியநாட்டின் மருத்துவ வல்லுநர்கள் இந்த நியதிகளை ஏற்றுக் கொள்கிறார்கள். ஹோமியோபதி மருத்துவத்தின் தந்தை எனப்படும் ஹானிமான் இந்த அடிப்படையை ஒத்துக் கொள்கிறார்.

 ஜெர்மனி நாட்டில் சமஸ்கிருதத்தின் பாதிப்பு அதிகம். இந்தியத் தத்துவங்களுக்கு அங்கு அதிக மதிப்பு. சாகுந்தலத்தைப் போன்றதோர் கவிதையை உலகில் எந்த மொழியிலும், எந்தக் கவிஞனும் எழுதியது கிடையாது என்று கூறுகிறார் மாமேதை கதே. அவர் இந்த நாடகத்தை ஜெர்மனியில் மொழியாக்கம் செய்திருக்கிறார் . ( தெய்வீகச் சாகுந்தலமெனும் நாடகம் செய்த தெவர் கவிதை? - இது பாரதியின் கேள்வி.) இரண்டாம் உலகப் போருக்கு காரணமாக இருந்த நா(ட்)சிக் கட்சி தங்களை ஆரியர்கள் என்று அழைத்துக் கொண்டது. ஸ்வஸ்திகாவைத் தமது கட்சியின் அடையாளமாக ஏற்றுக் கொண்டது. ஸ்வஸ்திகம் என்றாலே நல்வாழ்வு என்பதுதான் பொருள். நோய் சொஸ்தமாகிவிட்டதா? என்று நாட்டுப்புறத்தில் வினவுவது வழக்கம்.) 

மருத்துவ மேதை ஹானிமான் பல மொழிகள் கற்றவர்.  ஆனால் சமஸ்கிருதம் படித்ததாகத் தெரியவில்லை. என்றாலும் ஆயுர்வேத மருத்துவ விஞ்ஞானத்தின் அடிப்படையைப் பல இடங்களில் எழுத்துக்கெழுத்து பின்பற்றியிருக்கிறார்.

அடியொற்றி

 'உஷ்ணம், உஷ்ணேன சீதளம்', என்பது ஓர் இந்திய மருத்துவத்தத்துவம். இதன் பொருள், வெப்பத்தை, வெப்பமுள்ள பொருளே தணித்துக் குளுமையை உண்டாக்கும் என்பதாகும். இதை அப்படியே பின்பற்றுகிறார் ஹானிமான். வெப்பமான உடல்வாகுள்ள நோயாளிக்கு, வெப்பமான மருந்துகளையே கொடு, என்று அவர் வரைகிறார். உடலில் வெப்பத்தன்மை உடையவர், குளிர்வாகுடையவர் என்றெல்லாம் மேலைமுறையில் பாகுபாடு கிடையாது. சகட்டு மேனிக்கு, பொடி, வில்லை, ஊசி மருந்துகள். அப்போதைக்கு நோய் அமுங்கினால் சரி. பின் விளைவுகளை யார் கண்டு கொள்ளப் போகிறார்கள்? 

விஷம் விஷஸ்ய சமனம்', என்கிறது ஆயுர்வேதம். உடலிலுள்ள நஞ்சை முறிப்பதற்கும் அதே வகை விஷம்தான் என்பது ஆதாரம்.  ஹோமியோபதியின் அடிப்படையும் இதுவேதான்.( ஸிமிலியா, ஸிமிலிபஸ், க்யூரெண்டர், என்பது இதற்கேற்ற ஜெர்மானிய மொழி வாசகம்)  ஒத்த இயல்புள்ள மருந்து மட்டுமே நோயாளியைக் குணப்படுத் தும் என்பது ஆதார சித்தாந்தம்.

 ஒரு மருந்துப் பொருளைக் கடைவதனாலும், நீர்க்கச் செய்வதாலும் மட்டுமே அதன் ஆற்றல் மிகுதியாகிறது என்ற தத்துவத்தின் மூலமே ஹோமியோபதி இயங்குகிறது. அதே  கருத்தை வலியுறுத்துகிறது ஆயுர்வேதம், மர்த்தனம் -  குணவர்த்தனம். (மர்த்தனம் - கடைவது. குணம் - ஆற்றல். வர்த்தனம் - அதிகமாகிறது.)

 குறள் நெறி 

நோயாளி, மருத்துவன், மருந்து; அதை அண்மையில் இருந்து தருபவன் என்ற நுண்ணிய நெறியை ஹானிமானின் . ஆர்கனான் - மருத்துவ சாத்திரம் படிப்படியாக, தெளிவாக, நிர்ணயிக்கிறது; போதிக்கிறது. அதை ஆழ்ந்து படிக்கும் போது இந்த மேதை, நமது குறளை எப்படிப் படித்திருக்க முடியும் என்று வியப்பில் மூழ்காமல் இருக்க முடிவதில்லை . ஏனெனில் வள்ளுவர் தமது நெறியின் இறுதிப்பாவாகக் கீழ்க்கண்டவாறு வரைந்துள்ளார். 

உற்றவன் தீர்ப்பான் மருந்து  உழைச் செல்வானென்று

 அப்பால் நாற்கூற்றே மருந்து.  (நட்பியல்- மருந்து) 

'இதன்பால் - இல்லாத எப்பொருளுமில்லையால்', என்று தமிழ்நாகனார் கூறியது எத்தனை பொருத்தமாக அமைந்துவிட்டது?

 மருத்துவ சாத்திரம் என்பது வள்ளுவர் அறிந்ததில் மிகச் சிறிய பகுதியே ஆகும். அவர் ஒரு ஞானக் கடல்.

ஹோமியோபதி மருத்துவம் மேஜர் தி.சா.இராஜூ

 பகுதி ஒன்று 

தோற்றமும் வளர்ச்சியும்

 1.உணவு மருந்து 

 மதலையின் இதயமும் , நடுவயதினரின் மனத்திடனும் , இளைஞனின் உற்சாகமும் , மூத்தவனுடைய அறிவு முதிர்ச்சியும் , தேவர்களே , என்னுள் எப்போதும் நிலைத் திருக்க அருளும்! 

( மகாகவி பாரதி ) 

மருத்துவ நெறி 

மனிதகுலம் மகிழ்ச்சியுடன் வாழ்வதற்கும் , சோர்வின்றி பணிபுரிவதற்கும் நோயில்லாமல் இருக்க வேண்டியது மிகவும் அவசியம். மக்கள் நோய்வாய்ப்படுவார்களேயானால் அதை நீக்கும் பொருட்டுப் பல வழிமுறைகள் மேற்கொள்ளப்பட்டன . அவையே பதி ( Pathy ) அல்லது பத்

 ( Path ) எனப்படும் . பதி என்றால் வழி, நெறி என்று பொருள் . இந்த வழி, அல்லது நெறி பல தரத்தன. அனைத்துமே, மனிதகுலம் சீராக இயங்கும் பொருட்டுக் கண்டுபிடிக்கப்பட்ட முறைகள். 

  ஆங்கில, அல்லது மேலைநாட்டு முறை அல்லோபதி என்று அழைக்கப்படுகிறது . இதன் ஆதிகர்த்தா ஹிப்பாக்ரேடஸ் . இவர் கிரீஸ் நாட்டைச் சேர்ந்தவர் . ( கி.மு .460 ) இன்றும் மருத்துவக் கல்வி பயின்று தேர்ச்சி பெற்று , மருந்தை வாழ்நெறியாகக் கொள்ளும் மாணவர்கள் அனைவரும் அவருடைய பெயரில் ஆணையிட்டு செயல் நெறி உறுதியைக் கைக்கொள்கிறார்கள்.

 மாவீரன் அலெக்ஸாண்டர் இந்தியாவை நோக்கிப் படை எடுத்து வந்தபோது அவருடன் வந்த சில மருத்துவர்கள். இந்திய நாட்டின் வடமேற்கு எல்லையில் குடி அமைந்தார்கள் . அவர்களுடைய முறைக்கு யுனானி என்று பெயர் . கிரீஸ் நாட்டை அவர்கள் யூனான் என்று அழைத்தார்கள்.

 நம் நாட்டில் இப்போதும் காணக் கிடைக்கும் மருத்துவ நூல்கள் நமக்கு வியப்பை ஊட்டுகின்றன. அதர்வணவேதம், அதர்வ ஸம்ஹிதை, ஆயுர்கிரந்தம், ஆயுர்வேதம், அக்னிபுராணம், அக்னி வேச ஸம்ஹிதை ,  பேல ஸம்ஹிதை , ஸுச்ருத ஸம்ஹிதை , காச்யப ஸம்ஹிதை , சித்த வைத்திய நூல்ஆகியன சில.

 இவைகளிற் பல இரண்டாயிரம் ஆண்டுகளுக்கு முற்பட்டவை.

   பாரத நாட்டின் நான்காவது வேதமான அதர்வணத்தில் ஆயுர்வேத மருத்துவ நெறி விளக்கப்படுகிறது . பகைவர்களின் தாக்குதல், காலநிலை , நச்சுப்பிராணிகள் ஆகியவைகளினால் மனித இனத்திற்கு ஏற்படும் தீமைகளுக்கு மாற்று அளிப்பதற்காக ஏற்பட்ட முறை இது . 

தமிழ்நாட்டில் பல சித்த புருஷர்கள் வாழ்ந்தார்கள் . பல யோக முறைகளை மேற்கொண்டு தவ வாழ்க்கை வாழ்ந்த பெரியோர்கள், பல வேர், இலை, மலர், விதை, உலோகம் ஆகியவற்றைக் குறிப்பிட்ட நேரத்தில் பக்குவம் செய்து நோயுற்றவர்களுக்கு அளித்தார்கள். வியக்கத்தகும் வகையில் பயன் விளைவிக்கும் மருத்துவம் இது . 

சாமுவேல் ஃப்ரடெரிக் ஹானிமான் 

ஜெர்மனி நாட்டில் ஹானிமான் என்றொரு மருத்துவ மேதை வாழ்ந்தார். (1755-1843 ) அவர் கண்டுபிடித்த மருத்துவ முறைக்கு ஹோமியோபதி ( நெறி ) என்று பெயர்.

 

ஹோமியோ என்றால் ஒரே மாதிரியான, ஒத்த என்பது பொருள் . இவருடைய முறையில் சிறப்புக்கள்  இரண்டு . 

முதலாவது மனிதனின் தன்மையை, மனநிலையை  அறிந்து குணப்படுத்துவது . அடுத்தது இதன் விலை . இதைவிட மலிவான மருத்துவ முறையே உலகில் கிடையாது. 

வள்ளுவம் நமது தொன்மையான தமிழ் மறையை இயற்றிய தெய்வப்புலவர் , பொருட்பாலில் - நட்பியலில் - மருந்துக்காகத் தனி அதிகாரமே வகுத்திருக்கிறார் . இந்தப் பத்து குறட்பாக்களையும் தனித்தனியாகவோ , ஒட்டு மொத்தமாகவோ ஊன்றிக் கவனித்தால் ஒரு கருத்தை அவர் , ஆழமாக , தீவிரமாக வலியுறுத்துகிறார் என்பது புரியும் . அதுதான் கட்டுப்பாடான உணவு . ருசிக்காக அன்றி பசிக்காக மட்டுமே உண்ணுதல். அவற்றைத் திரும்பத் திரும்பப் படித்த பிறகு மேலோங்கும் எண்ணம் ஒன்றேதான் . வள்ளுவப் பெருமானுக்குச் சமண சமயத்தில் இவ்வளவு ஈடுபாடு ஏற்படக் காரணம் , அவரே அந்த மார்க்கத்தைச் சேர்ந்தவராக இருப்பாரோ என்பதுதான் அது . 

சமண சமயத்தின் மிகத் தீவிரமான கோட்பாடு, 'பசித்திரு' என்பதாகும் . பசித்திருத்தல் விழித்திருத்தலுக்குத் துணை செய்யும் என்பது அந்த சமய அறிஞர்கள் கண்ட முடிவு . உண்ணா நோன்பையே உபவாசம் என்று கூறுவார்கள் . இறைவனுக்கு அண்மையில் வாழ்வது என்பது அதன் பொருள். உள்ளத்தைக் கூர்ந்துகொண்டு செயற்கரிய செயல்களைச் செய்யும் அவதானிகளைக் கவனித்தோமானால் அவர்கள் தங்கள் திறமையையைக் காட்டுவதற்கு முதல்நாள் எதுவுமே உண்ணாமல் இருப்பார்கள் என்பதை அறியலாம். 

உண்ணாமல் இருப்பது என்பது எல்லோராலும் இயலாத செயல் . ஆனால் ஒரு பணியை எல்லோரும் செய்யலாம்

 

   அற்றது அறிந்து கடைப்பிடித்து மா றல்ல

   துய்க்க துவரப் பசித்து 

முன் உண்ட உணவு செரித்த தன்மையை அறிந்து , மாறுபாடில்லாத உணவு முறைகளைக் கடைப்பிடித்து , அவற்றையும் நன்றாகப் பசித்த பிறகுதான் உண்ண வேண்டும். 

அடுத்ததாக அவர் கூறுகிறார் . 

மாறுபாடு இல்லாத உண்டி மறுத்துண்ணின்

ஊறுபாடு இல்லை உயிர்க்கு 

 மாறுபாடில்லாத உணவை அளவு மீறாமல் மிதமாக உண்டால் உயிர் உடம்போடு இணைந்து வாழ இயலாமல் இடையூறு செய்யும், நோய் என்பது இல்லாமல் ஒழியும்.

 மாறுபாடு இல்லாத உண்டி என்பதை அடிக்கோடிட வேண்டும். உணவு உற்பத்தியைப் பெருக்கும் பொருட்டு எத்தனை ரசாயனப் பொருள்களை விளை நிலத்தில் கலக்குகிறோம்? தழைக்கும் பயிர்களைக் காக்கும் பொருட்டு எத்தனை பூச்சிக் கொல்லிகளைத் தளிர்களின் மேல் தெளிக்கிறோம் ? இவை அனைத்தும் ஏதோ ஒரு வகையில் உண்பவர்களையே மீண்டும் தாக்கக்கூடும் என்பதை நமது சிந்தனைச் செம்மல்கள் யோசித்துப் பார்ப்பதே இல்லை . 

இயற்கை முறை

 காந்தியப் பொருளாதாரவாதியான ஜே.ஸி.குமரப்பாவின் கேள்வி இது . நிலத்தை உழவும், பரம்படிக்கவும், அறுவடை செய்யவும் டிராக்டர்களைப் பயன்படுத்த வேண்டும் என்று வற்புறுத்துகிறீர்கள்; ஏற்றுக் கொள்வோம் . ஆனால் டிராக்டர் சாணி போடுமா? என்று வினவினார் . இன்று அமெரிக்கப் பெருநகர்களில் உள்ள டிபார்ட்மெண்டல் பேரங்காடிகளில் தனியே ஓர் உணவுப் பண்டப்பிரிவு அமைந்துள்ளது.   ரசாயனப் பொருள்களைப் பயன்படுத்தாமல் விளைவிக்கப்பட்ட  பண்டங்களுக்காகத் தனிக்கடைகள். இவைகளில் விற்கப்படும் உணவுப் பொருள்களைப் பயன்படுத்துபவர்கள் நோய்வாய்ப்படுவதில்லை என்று அவர்களுடைய புள்ளி விவரக் கணக்கர்கள் தெரிவிக்கிறார்கள். 

இறுதியாக இன்னொரு செய்தியையும் நமக்கு அறிவித்துப் புளகிக்க வைக்கிறார் நாயனார். 

இழிவறிந்து உண்பான் கண்இன்பம் போல்நிற்கும் 

கழி பேரிரையான் கண்நோய். 

குறைந்த அளவு இன்னதென்று அறிந்து உண்பவனிடத்தில் இன்பம் நிலைநிற்பது போல் , மிகப் பெரிதும் உண்பவனிடத்தில் நோய் நிலைத்து நிற்கும்.

சமண சமயத்தத்துவங்களைக் கரைகண்ட தெய்வப் புலவர் மனித உடலில் நோய் குடிபுகும் காரணத்தை மிகத் தெளிவாகக் கூறிவிட்டார். 

தமிழ் முதுமகள் வலியுறுத்தியதும் அதுவே ! 

மீதூண் விரும்பேல்!

ஓமியோபதி மருத்துவம் மேஜர் தி. சா. இராஜூ

 

ஒரு நல்ல புத்தகத்திற்கு அடையாளம் யாது ?

நூலைப் படிக்கத் தொடங்கியவர்களைக் கீழே வைக்க அது அனுமதிக்காது . ஒரு தரம் படித்த பின்பும் மீண்டும் படிக்கத் தூண்டும் . இந்த நிலை இந்நூலில் இயல்பாகவே அமைந்திருக்கிறது. இதைப் படித்தவர்கள் பலரும் இவ்வகையிலேயே தமது கருத்தைக் கூறியிருக்கி றார்கள் . பொதுவாக அறிவியல் நூல்கள் வாசிப்பவர்களுக்கு அயர்வை உண்டாக்கும் . மாறாக இது சோர்வை நீக்குகிறது . அறிவியல் கொள்கைகள் இனிப்பில் தோய்த்துக் கொடுத்திருக்கிறார் நூலின் ஆசிரியர் மேஜர் தி.சா.ராஜு அவர்கள்.

இதைப்பற்றிக் கணித்தவர்கள் அனைவரும் ஒரு முகமாகக் கேட்கும் கேள்வி இது .

'இதை எத்தனை முறை படித்தீர்கள் ?'

மேதை ரஸ்கின் கூறியது போல

'இது எல்லாக் காலத்திற்கும் ஏற்ற ஒரு நூல்'

Note..

தமிழ்நாட்டில் ஓமியோபதியை பட்டிதொட்டி எங்கும் பரவச் செய்ததில் பெரும்பங்காற்றிய மேஜர் தி.சா.இராஜூவின் ஹோமியோபதி மருத்துவம் நூல் சிறுசிறு பகுதிகளாக நாளை முதல் இப்பக்கத்தில் பதிவிடப்படும்..